Патшайымбыз бәріміз!

8 наурыз – Халықаралық әйелдер күніне орай А. С. Пушкин атындағы қалалық балалар кітапханасында «Патшайымбыз бәріміз!» атты байқау ойын өтті. Іс шараға № 2 мектеп-лицейінің 2 сынып оқушылары қатысты. «Патшайым» атағына үміткерлер жеңіл тағам әзірлеудің сырларымен бөлісіп, көрермендерді және қазылар алқасын тәнті етті.

Бақ сынасқан арулар байқаудың «Стилист» атты кезеңінде киім таңдаудағы талғамын танытты. Қатысушыларға «Қарапайым ару», «Үздік стилист», «Қолөнер шебері» және т.б. номинациялар бойынша диплом табысталды.

Іс-шара соңына қарай қатысушылар «8 наурыз – жарқын мереке» кітап көрмесінде ұсынылған кітаптармен танысып, «Радуга» шығармашылық клубының мүшелерімен бірге мерекелік флешмобқа қатысты.