Мейірімді ертекші

А. С. Пушкин атындағы қалалық балалар кітапханасында балалар жазушысы К. И. Чуковскийдің туғанына 140 жыл толуына орай «Мейірімді ертекші» атты саяхат-ойын өткізілді.

Корней Иванович Чуковскийдің ертегілері балаларды жақсылыққа, әдептілікке баулиды, ұқыпты, мейірімді, батыл болуға, өзін-өзі дамытуға, достықты бағалауға, әлсіздерді қорғауға үйретеді.

Бүлдіршіндер ертегілер еліне саяхат жасап, жазушының шығармашылығымен және өмірбаянымен танысты. Жасырылған ертегілерді тапты, «Сиқырлы себет» ойнына асқан қызығушылықпен қатысты. Ұйымдастырушылар белсенді қатысушыларға диплом табысталды.

Іс-шара соңына қарай Корней Чуковскийдің ертегілері бойынша сұрақтар қойылды, жеткіншектер барлық сауалдарға толыққанды жауап берді.