Есімі елдің есінде

А. С. Пушкин атындағы қалалық балалар кітапханасының оқырмандары үшін Қазақстанның танымал тұлғаларына арналған «Есімі елдің есінде» кітап көрмесі құрылды.

Көрменің «Абай – дәуір мақтанышы» және «Даланың дара ұстазы» бөлімдері Абай Құнанбайұлы, Ыбырай Алтынсарин сынды көрнекті қайраткерлері туралы сыр шертеді. С. Оспанұлының «Алтынсарин әлемі» кітабында Ұлы ұстаздың өмірбаяны мен шығармашылығы туралы мазмұнды ақпарат келтірілген. Абай Құнанбайұлының «Нақыл сөздер» кітабы – ұлттық қазына.

«Қазақ халқының бұлбұлы» бөлімі күллі әлемнің құрметіне бөленген қазақ халқының күміс көмей әншісі Роза Бағланованың 100 жылдығына арналған.

«Олар Жеңіспен оралды» бөлімі Ұлы Отан соғысы батырлары Сейітқан Темірбаев, Федор Зинченко, Иван Павлов, Леонид Макеров сынды атақты жерлестеріміздің 100 жылдық мерейтойына арналған.

Көрмеде ұсынылған материалдар сұранысқа ие болары сөзсіз. Баршаңызды кітап көрмесінің материалдарымен танысуға шақырамыз!